U President ka North Eastern Hills University Student Union (NEHUSU) u Samla Sandy Sohtun u la lait jamin noh hadien ba u la shah kem ha ki Pulit halor ka jingkynnoh jrong kti ia u Assistant Professor u Dr Alok Singh.
Ka jingshah kem u Samla Sandy Sohtun ka dei halor ka jingjia kaba la jia ha ka 24 tarik April ha kaba u Assistant Professor Dr Alok Singh u la mudui da ka ejahar pyrshah ia u President ka North Eastern Hills University u Samla Sandy Sohtun.
Na ka liang ki nongialam ka North Eastern Hills University Student Union ki la pyntip ba u President ka NEHUSU u Sandy Sohtun u la lait jamin hynin ka sngi bad kin sa shong jingialang shen ban rai halor kane ka kam.