Ka jingtrei shitom jong ki bor pyniaid District naduh ka ophis jong u Deputy Commissioner, West Jaiñtia Hills District ryngkat bad ka Jowai Municipal Board (JMB) ban pynkylluid ia ki lynti iaid kjat na ki nongshongdie madan ha ki bynta jong ka Iawmusiang ha kine ki khyndiat sngi kala pynsuk shi sha ia ki nongleit nongwan, khamtam ia ki khynnah skul ba dei iaid lyngba ia kane ka surok naduh khmat DC Ophis shaduh skul HK Singh, Chutwakhu.
Pynban tang hadien katto katne sngi ba ka sorkar kala shim khia la iohi ba ki don pat ki riew shim kabu kiba pynieng da ki kali, ha kitei ki jaka iaid kjat. Kine ki kali ki kynthup naduh ki kali kamai haduh ki kali jong ki riew shimet. Mynta ki briew kila hap ban iaid biang napdeng surok namar bym long iaid shuh lyngba kitei ki lynti iaid kjat
Mynta ka shong sa ha ka sorkar aiu kan leh na ka bynta kitei ki kali kiba pynlong jaka parking ia ki Footpath.
