Baroh ki 26 ngut ki kyrtong kiba la dep ban thep kyrteng ban iakhun ia ka kam Nongmihkhmat ne ki dkhot jong ka ïingdorbar thawaiñ ka jylla (Member of Legislative Assembly) ki la lait shiliang mynta ka sngi hadien ba la dep ban bishar bniah (Scrutiny) ia ki kot ki sla jong ki bad naduh mynta ki la long ki kyrtong ba pura ban iakhun ia kane ka kam.
Kine ki kyrtong ki kynthup na ka 1-Nartiang Constituency ki don 5 ngut, u ma Sniawbhalang Dhar (NPP), Dawan Lyngdoh (UDP), ma Emlang Laloo (INC), ma Rimiki Sari (BJP) bad u ma Generous Pasleiñ (IND).
Na ka 2- Jowai Constituency ki don 5 ngut, u ma Wailadmiki Shylla (NPP), ma Awhai Andrew Shullai (AITC), ma Moonlight Pariat (UDP), ma Daniel Dan (INC) bad u ma Allan Keith Suchiang (BJP).
Na ka 3-Raliang Constituency ki don 6 ngut, u ma Coming-one Ymbon (NPP), ma Lakhon Biam (BJP), ma Robinus Syngkon (AITC), ma J. Treilang Suchiang (UDP), ma Chemhok Garod (PDF) bad u ma Richard Sing Lyngdoh (INC).
Na ka 4-Mowkaiaw Constituency ki don 5 ngut, u ma Nujorki Sungoh (UDP), ma Lasting Suchiang (AITC), ma Nehemayah Tyngkan (INC), ma Habahun Dkhar (NPP), bad u ma Corentis Rabon (BJP). Na ka 7-Amlarem Constituency ki don 5 ngut, u ma Lahkmen Rymbui (UDP), ma Stephanson Mukhim (NPP), ma Arbiang Kam Kharsohmat (INC), ma Aiban Gashnga (AITC) bad u ma Firstborn Manner (BJP).
