Mynta ka sngi ka tnad jong ka koit ka khiah (Health Ministry) jong ka ri India kala pyntip ba la lap ba don ar tylli ki Covid-19 Case jong u khniang Omicron ha ka jylla Karnataka kaba dei ka sien ka ba nyngkong eh ban lap ia ka jingwanpoi jong une u khniang jingpang ha India.
Ia kane ka case la lap ha ki ar ngut ki rangbah ha ka jylla Karnataka kiba don ha ka rta 66 bad 46 snem la iathuh u Lav Agarwal uba dei u Joint Secretary ka Health Ministry ka sorkar India. Ia ka kyrteng jong kine ki ar ngut la burieh shwa la ong utei u heh ka tnad. Hynrei ula iathuh ba baroh ki briew kiba la iakynduh bad kitei ki ar ngut la dep ban phah test lut ia ki.
Hynrei na ka liang jong ka sorkar lyngba ka tnad ka koit ka khiah kala kyntu ia baroh ki nongshong shnong ba kim dei ban sngew syier ia kane ka jingpang, hynrei ban lait na kane ka jingpang kum ki nongshong shnong ki dei ban bud ryntih ia baroh ki kyndon jong ka tnad ka koit bad dei ruh ban kiar na ka jingialang kynhun la ong u Agarwal. (Source: NDTV)