Ka jingbret pathar ki briew bym lah ithuh ïa ki mrad kiba la ïap sha ki wah bad ki liar la ki dei ki mrad kiba rit ne kiba heh ka ïai jia na ka por sha ka por bad kane ka pynkylla bih ïa ki um ki wah bad kaba ktah kylla ïa ka koit ka khiah jong ki briew kiba pyndonkam ïa kine um.
Mynta ka sngi ruh la lap da ki katto katne ki nongïaid lynti ïa ka jingbret pathar ïa kawei ka met ïap jong ka Muid shynrang ha ki bynta ba la lait ka shnong Pynthorlangteiñ ha u surokbah na Jowai sha Amlarem harud jong ka jingkieng ba don ka wahliar kaba tuid sha ka wah Myntdu.
Katkum ka jingïathuh jong kine ki nongïaid lynti ki ong ba kane ka shait jia man la ka por bad la ju lap ba don ka por bala bret ruh ïa ki masi kiba la ïap sha kane ka jaka.