Ka khubor Pulit ba la pyllait da u SP jong ka East Jaintia Hills District, la iathuh ba ha ka 25 tarik mynta u bnai kila ioh jingtip na u Waheh Shnong jong ka Moolamanoh uba la pyntip ba ka don kawei ka met iap kaba la per ha sla um jong ka wah Umsuwai.
Kumta na ka liang ki Pulit kila leit ban shimti ia kane ka met iap bad haba kila pynlong ia ka jingtohkit kila lap ba ka dei ka met iap jong u rangbah briew u bym lah ban tip ia ka kyrteng namar ym don ba wan kam ia katei ka met iap.
Hadien ba la dep ban leh ia kaba donkam katkum ki kyndon jong ka aiñ, ki Pulit kila pynkit noh ia kane ka met bad leit buh ia sha Civil Hospital Khliehriat, East Jaintia Hills District na ka bynta ka pos mortem, bad hadien kata la buh ia kane ka met ha ka jaka buh metiap jong katei ka Hospital.
Une uba la khlad ia uba ym shym la tip kyrteng u don ha ka rta kaba 45-50 snem ei ei, u don ka jingjrong kaba 5.3 phut, u long uba iong ka sniehdoh, u phong ia ka patlun Tracksuit rong iong, ka T-shirt rong blue bad ka jaket rong iong.
