(File Photo)
Katkum ka tyllong khubor ba ioh lum na kad liengsuiñ ha ka 14 tarik Rymphang 2026 ha Kolkata la iathuh ba lah lap ia kawei ka jingthoh ha Painkhana ba suba buh bomb ia ka liengsuiñ ka ban wan na Kolkata sha Shillong.
La iathuh ba katei ka liengsuin, ka dei ban mih na Kolkata sha Shillong, ha ka por 9:15 a.m. Hynrei shuwa ban kiew, ki nongtrei liengsuin, ki la lap ia kawei ka jingthoh ha ka painkhana jong katei ka liengsuiñ Ka la thoh, “Ka don bom ha ka liengsuin”. Hadien kata, ka jingtieng ka la saphriang hapdeng ki nongleit nongwan.
Katkum ki tyllong khubor na kad liengsuiñ, la pynhiar ïa ki nongleit nongwan bad la sdang ban talasi ïa ka liengsuiñ IndiGo.
Katkum ki tyllong khubor na kad liengsuiñ, la ïathuh ba dang tohkit mano ba buh ïa katei ka kot ha ka paiñkhana jong ka liengsuiñ.
U heh ophisar jong ka kad liengsuiñ u la ong, “La pyntip ïa ka jingma kaba lah ban mih mynta ka sngi ha ka kad liengsuiñ jong ka Netaji Subhas Chandra Bose kaba ïadei bad ka liengsuiñ IndiGo 6E-7304 kaba la thmu ban her na Kolkata sha Shillong.
U ophisar u la pyntip ba la pynkynriah ïa ka liengsuiñ sha ka isolation bad la shim ïa baroh ki lad jingïada katkum ka rukom treikam ba la buh khnang ban pynthikna ïa ka jingshngaiñ jong ki nongleit nongwan bad ka jingtreikam jong ki liengsuiñ.
