Ka Hynniewtrep Integrated Territorial Organisation (HITO), Shangpung Unit mynta ka sngi ka 25 Jylliew 2025 ka la hiar ban jurip ia ka jingshna ia u Surok By-pass uba la tip Kum u Shangpung Sutnga Road to Pasyih Garampani Road haka jingjngai kaba 1.2KM haka jinglut kaba 10,70,72,000 ryngkat bad ka jingkieng kaba 40 metre ei ei kane ka jingjurip dei hadien bala ioh iaka jingujor naki paidbah ka thaiñ kiba la ioh i iaka jingtrei torti ia u ne u surok.
Hakane ka jingjurip la lap ba ki kynroh bah jong ka jingkieng kala sdang ban orpait naduh trai haduh khlieh bad kaba buh jingma iaki nongleit nongwan kiba pyndonkam ia une u surok bad la lap ruh haki bynta ba khyndait bala dep ban Siang rong la iohi ba ka jingstang bad ka jingtorti haduh katta katta.
Naka liang ka seng kala ong ba kane ka jingtrei torti jong ki contractor kadei ka jingbymshim khia bad ka jingbym don ka jingkit khlieh naka office jong u Executive Engineer PWD Shangpung Division, namar katkum ki kyndon ka tnad ba dei peit kala dei ban don ka jingjurip naka office man ka por naduh ka inspection report, monitoring report, bad progress report khnang ba ki contractor kin nym nud ban trei katba mon hynrei hangne la ioh ba ym don mano mano ba wan khmih bniah iaka jingtrei dei na katta ka daw ba ki contractor ki trei torti.
Shuh shuh naka Liang u President ka HITO Shangpung Unit u Samla Haimonmi Suchiang u la ong ba naka liang ka seng ka la leit ban ujor daka ejahar pyrshah iaka office u Executive Engineer PWD Shangpung Division mynta ka sngi ha Raliang Police station hynrei naki daw ba ym don ki officer incharge jong katei ka police station la sangeh noh shwa ban buh iakatei ka Ejahar.
Haba iakren bad ki constable kiba don ha Raliang Police station ki la ong ba kila ia fone bad i incharge bad la bthah iaki ban buh daka jingujor shaka bor bahalor jong katei ka tnad ba pyntrei ia u tei u surok. Na ka liang ka seng kala ong ba “Ngi kum ka seng ngi la shait mad ia kum kine ki jingujor kim poi sha ei sha ei ki shu kut tang hapoh ka file ki Engineer dei halor kane ka nongrim ngi sa wan ban buh daka ejahar syndon ha Police Station” la pynkut u kyrwoh.
