Ka Hynñiewtrep Integrated Territorial Organisation (HITO) Jaiñtia Hills hapoh ka jingïalam u President u bah Burom Dkhar bad kiwei mynta ka sngi ka 17 tarik Rymphang, 2026 kila ai da ka dorkhas ha u Divisional Forest Officer ka Jaiñtia Hills Division.
Ha kane ka dorkhas ka seng kala dawa ba baroh ki par Mawshun kiba don ïaka mining lease ki dei ban pynïeng ïaki signboard katkum ki kyndon jong ka Meghalaya Minor Minerals Concession Rules 2016 khnang ban pynsuk ban ithuh ïaki par kiba don licence bad ïa kiba pyntrei beaiñ. Ka seng kala shim ïa kane ka sein jam hadein bala ïoh ïaki kot ki sla lyngba ka right to information Act, 2005 naka office jong u DFO bad la lap ba don tang 35 tylli ki mining lease ha East Jaiñtia Hills bad 18 tylli ha West Jaiñtia Hills District kiba ïaid katkum ki kyndon bad kat kum ka jingjurip jong ka seng la lap ba ki don daki spah tylli ki par Mawshun kiba pyntrei khlem ki mining lease kiba long pyrshah ïaka MMMCR 2016.
Halor kane naka liang ka seng kala ai por 15 sngi ïaka office u DFO ban hukum ïaki trai par ban leh ïakaba donkam kat kum ki kyndon.
