Mynta ka sngi na ka liang jong ka Hynñiewtrep Integrated Territorial Organization (HITO), West Jaiñtia Hills District hapoh ka jingialam u President A.G Sateiñ bad u Secretary Hame S Rymbai ryngkat bad ki dkhot jong ka District, ki leit ban ia kynduh bad ia i nongtrei ba dei khmih ia ka MTC (Meghalaya Transport Co-Operation Jowai Depot) ha kaba iadei bad ka jingleh lyndet jong ka sorkar ia ka MTC kaba don ha Jowai.
Na ka liang ka seng ka shim ia ki sien jam ban dawa na ka sorkar ba kan peit ia ki jingeh jong ki briew kiba don sha kane ka thaiñ, khamtam ia kito ki thaiñ ba lah duh ia ki kali (Bus) kum ka Jowai sha Saipung, ka Jowai sha Khanduli Hamren bad sha kiwei kiwei ki jaka kiba ki briew kiba ba dang shaniah ka leit ka wan ha ki Bus MTC Jowai Depot. Kat kum ka jing lap jong ka seng ba don shibun ki jingduna hapoh kane ka MTC Jowai Depot, ki jingduna ia kynthup ia ka Buildings, ka Parking lots, ki Kali (Bus), ki Post ba kynthup ia ka Post ADM, UDA bad kiwei namar kumba long mynta ia kane ka ophis la pyniaid shipor tang da i LDA, ka kynroh, ka Railways Counters.
Dei halor kane ka nongrim ba ka seng ka lap ia ki jingtlot jong u Minister incharge jong ka Transport Department bad ha kajuh ka por ruh ka seng ka dawa mardor na u Minister ba un peit ia ki jingeh jong ki briew ka rilum Jaiñtia hi baroh kawei.
