Ka Hynniewtrep Youth Council (HYC) Laskeiñ Block Circle ka la ioh ka jingujor man ka por na ki paitbah ba leit donkam ha ka ophis u District Transport Officer (DTO), ba katei ka office halor ka jingslem palat ki nongtrei ne ki staff ka office DTO Jowai.
Kumta na ka liang ka HYC hapoh ka jingialam u samla, K.S. Sariang, President HYC Laskeiñ Block Circle, ki la lap ia ka jingshisha mynta ka sngi 28/6/2024 haduh 12:30 pm ym pat don ba wan trei, na ka liang jong ka seng ka la kyrpad ia ki nongtrei ba kin sngewbha ban wan biang por khnang ba kan pynsuk iaki nongwan donkam khamtam kiba wan naki jaka ba jngai ki shnong ki thaw kiba hap ban iabeh ban leit phai.