Ka Jaiñtia National Council (JNC) Sumer Circle hapoh ka jingialam u President ka Circle bah Sakilan Chyrmang mynta ka sngi ba ar ka la maham jur iaki Kali kit palat pud ban iaid lyngba ka jingkieng nar kaba tip kyrteng kum ka Ri Manar kaba don ha Elaka Sumer East Jaiñtia hills namar ba kane ka jingkieng ka don mynta hapdeng ka jingtlot ba jur bha bad lah paw shynna ruh ba ki screw ki baltoo ki lah sdang tlor noh naka jingkit palat pud ki kali heh. tang naka jingiaid ki kali ruh lah mih ka jingsawa ba shyrkhei bha nakane ka jingkieng bad kane ka buh ka jingma kaba khraw haduh katta katta iaki jingleit nongwan.
Ka seng naka por shaka por ka pynkynmaw ba ym dei shuh ban iaid nakane ka jingkieng haba ka jingkit ka kot sha ki 40 50 ton namar ka kot bor tang 8, 9 ton hynrei ym don ba sngap bad kane ka jingleh ki riew shimet tang ban myntoi ialade kalah ban wanrah ka jingduhnong kaba khraw ia ki nongshong shnong ka thaiñ. Namar kata ngim banse ban khang noh shi syndon iaki kali ba kit palat pud bad ngi kyrpad ruh iaki nongshong shnong ka thaiñ Bakin iatreilang ba lada lap ia kino kino ba lehtam yn Kem noh shisyndon bad yn leh ruh dakaba tyngeh Ong u President ka Circle.
Shuh shuh u Sakilan Chyrmang u la ong ba ka seng kalah dep ruh ban phah jingthoh haki por mynshwa shaka tnat PWD bad sha ki bor badei ban peit ban maramot(repair) noh iakane ka jingkieng hynrei kaba sngewsih ba haduh mynta ym don ba patiaw satia. Ka limit ne ka bor jong kane ka jingkieng kadei tang hapoh 20 snem hynrei mynta la kynjoh shaki 40 snem ym don ba peit iaka.