Ka Khun Hynniewtrep National Awakening Movement (KHNAM) ha ka 29 tarik Risaw 2025 hapoh ka jingialam jong u Working President Bah Thomas Passah ki la wan kynduh ia u CEM ka KHADC u Bah Winstone Tony Lyngdoh hynrei kim ioh lad ban kynduh na ka jingbunkam u CEM Ka KHADC.
Haba kren sha ki lad pathai khubor hadien ka jingbym iakynduh ia u CEM ka KHADC ba peit ia ka tnad trade, u Working President ka KHNAM u Bah Thomas Passah u la pynpaw ba ka District Council ka la khot appllikeshon ia ki 10 tylli ki Khyrdop.
Shuh Shuh u la ong hadien ba lap ia ka RTI u la pynpaw ba haduh 16 ngut kiba la aplai ne ki la ai kot hapoh ka District Council, hynrei na kitei kiba applai, kiba ioh ki dei tang 4 ngut bad ka pynlyngngoh ka long ba 6 ngut kiba khlem aplai hynrei ki la ioh da kaba suk katba ki ba aplai kim ioh.
Nalor kata u la ong ki 6 ngut kiba ioh ki dei kiba khlem buh kot ban applai bad haduh 12 ngut ki shah kyntait na ka 16 ngut kiba thmu ban peit ia kine ki 10 tylli ki khyrdop.
U la pynkut da kaba ong ba kine baroh u wad khnang lyngba ka RTI khnang ba kan wanrah ia ka jingkhuid hapoh ka District Council baroh ka wei.
