Ka Jaiñtia Student Union (JSU) Khliehriat Circle ha ka jingdon lang ki nongialam kiba kynthup ia u President ka seng u samla Livingson Dkhar, Vice President Winson Salahe, General Secretary Ajoymenson Lyngdoh, Finance Secretary Emanuel Bhoi, Education Secretary Monarch Dkhar bad ki dkhot ka JSU Khliehriat Circle ha kane ka 15.08.2023, ki la iakynduh ia ka kong Ampareeen Lyngdoh ka ba long ka myntri Sorkar hadien ka prokram jingrakhe laitluid ha nogbah Khliehriat.
Na ka liang ka myntri kala pynpaw ka jingsngewkmen ban kynduh ia ki nongialam ka seng JSU KC bad kila pynlong ia ka jingleit jurip lang ia ka Civil Hospital Khliehriat. Ha kane ka jingleit jurip la lap shibun ki jingduna hapoh katei ka Hospital sorkar bad na ka liang jong ka myntri ka la iohlad ban iakren bad phylliew jingmut bad ki Doctor, Staff Nurse jong katei ka jaka ai jingsumar bad ia u DMHO. Ka Myntri ka la lap dalade ia ki shibun ki jingduna jong kane ka Hospital bad ka la kular ban pynheh ia kane ka Hospital ban biang ka jingsumar ia ki paitbah ka thaiñ bad na liang ki dkhot ka JSU kin iai bud dien ia kane ka jingkular ka Myntri khnang ban ioh jingmyntoi ki paitbah jong ka District.