U Sr. Superintendent of Police ka Ri-Bhoi District ula pyntip mynta ka sngi ba ki Pulit kila ioh ia ka Telephone na u Rangbah Shnong ka 17 Mer, Ri-Bhoi District ba la lap ia ka wei ka met iap u wei u rangbah ba don ha ka rta kaba 30-35 snem ei ei, ha kawei na ki jaka rep jong u wei u nongshong shnong.
Ha ka jingtohkit jong ki Pulit kila lap ba kane ka met iap ka thiah lyngktar ha trai jong uwei u postlait ha kaba don ruh ki wire lait kiba hap sha khyndew. La antad ba kane ka metiap kala don kumba 1 bnai 2 bnai bad ka met kala kylla pyut mynta. Hadien ka jingwanpoi jong ki nongtrei ka MeSEB bad ki Doctor la pynthikna ba une u rangbah u la khlad na ka jingshah bat bor ding lait.
Hadien ba la dep ban pyndep lut ia baroh ki jingdonkam katkum ki kyndon aiñ la leit ban buh ia katei ka metiap ha ka jaka buh metiap ha Civil Hospital Nongpoh.
Na ka liang ki Pulit kila pyntip ba une u rangbah u don ka jingjrong kaba 5 phut ei ei, u phong ka sopti rong lieh, ka patlun rong iong ba don u bel rong saw, u don bad ka pla jaiñ rong jyrngam.
Kumta lada don kino kino kiba tip ne ithuh ia utei u rangbah ba kin phone ha Police Control Room (PCR) ha ka number 9856084514.
