![](https://i0.wp.com/yutipnews.com/wp-content/uploads/2024/07/IMG-20240710-WA0000.jpg?resize=640%2C359)
Ka Seng Voice of The People Party (VPP) East Jaiñtia Hills ha ka 9 tarik Naitung 2024 ka la leit ban jurip ia ka Hospital ba don ha Khliehriat ba la tip kum ka Civil Hospital. Ha kane ka jingleit jngoh la lap shibun ki jinduna khamtam ka jingkhapngiah jong ki kamra bad kiwei kiwei.
Haba iakren bad ki lad pathai khubor na ka liang u Medical Supritendent kane ka Hospital u la pyntip ba ka jingkyntiew kyrdan ia kane ka Hospital sha ka Civil Hospital ka wanrah ia ka jingduna ba bun ha ba iadei bad ki tiar ki tar ha kane ka hospital namar naduh ki Blood Storage, ki OT ki dang duna bad kim shym la treikam bad ka wanrah ruh ia ka jingkhapngiah bha bad na ka liang u Medical Supritendent u la pyntip ba ka Central Government ka la mang T.16 klur tyngka ban pynkha biang ia ka building ba thymmai.
U Medical Supritendent u la pyntip ruh ba ki Doctor ki duna bha na ka 17 ngut ki Doctor mynta ki don tang 11 ngut ki la don kiba shah tranfer sha kiwei ki Hospital.
Na ka liang ka VPP ka la ong shwa ban kyntiew kyrdan sha ka Civil Hospital dei ban pynbiang shwa ia ki jingdonkam baroh ym dei ban shu leh kyrkieh.
Na ka liang ka VPP kan sa budien ia kane ka kam bad kan sa thoh sha ka Minister ba dei peit ia ka jingkoit jingkhiah bad ban pynbiang bad shim khia ia kane ka bynta khnang ban wanrah ia ka jingmyntoi ia kane ka thaiñ baroh kawei bad ia ki paidbah ba bun balang.
![](https://i0.wp.com/yutipnews.com/wp-content/uploads/2024/07/IMG-20240710-WA0001.jpg?resize=640%2C364)
![](https://i0.wp.com/yutipnews.com/wp-content/uploads/2024/07/IMG-20240710-WA0002-1.jpg?resize=640%2C358)