Ka Federation of All School Teachers Of Meghalaya (FASTOM), West Jaiñtia Hills Unit kan pynlong ia ka General Meeting lashai ka sngi (17/09/2022) ha Tpep-Pale Durbar Hall, Jowai ha ka por 10:00 AM thik.
Ka jingthmu ba kongsan jong kane ka meeting ka long ban thaw ia ka West Jaintia Unit. Ha kane ka Meeting ka seng kan pyrshang ban jied ia ki nongkitkam na ka bynta ka samoi 2022-2025.
Shuh shuh ka jingthmu jong ka Fereration ka long ban pynkhlaiñ ia ki jingtrei kam jong ka shaduh ki bynta ba sha kyndong (grassroot level) khnang ba ki nonghikai kin kham sngewthuh ia ki mat treikam jong ka Fereration.
Kumta ka Fereration, ka kyrpad ia baroh ki nonghikai skul Adhoc kiba kynthup naduh ki LP, UP, Secondary bad Hr.Sec.School ki ba hap ha West Jaiñtia Hills District ba kin sngewbha ban wan khnang sha katei ka jingialang.
Kane ka long katkum ka khubor ba la pyllait da u ma E.G. War ba Sanborn Jungai kiba dei ki District Leader, West Jaiñtia Hills.