Ka World Blood Donor Day ka dei ka sngi kyrpang kaba la buh da ka WHO na ka bynta ban rakhe bad ai burom na ka bynta kito ki nongsynniang snam ei kiba la synniang manla ka por. Ia kane ka sngi la buh ban rakhe ha man la ka 14 tarik u Jylliew jong ka snem ha baroh shityllup ka pyrthei.
Ha ka jylla Meghalaya ruh yn sa rakhe lashai ka sngi 14 tarik ha kylleng ki bynta jong ka jylla. Kan sa don ka jingrakhe ha nongbah Shillong bad kumjuh ruh ha nongbah Jowai. Ka phang pdeng jong kane ka sngi ka long “Donating Blood is an act of solidarity. Join the efforts and save lives”.
Ha Jowai kan don shwa ka jingbam smai ka ban sa pynlong ha DC ophis ha ka por 10:30 ha ka jingiadon ryngkat u Deputy Commisioner ka West Jaintia Hills u ma Garod LSN Dykes. Hadien kane kan sa bud sa ka prokram ha Jowai Civil Hospital Blood Centre ka ban sdang naduh ka por 11:00 shaneng.
