Ka Sorkar Jylla ha ka jingiatreilang bad ka Indian Chamber of Commerce (ICC) kan sa pynlong ia ka jingialangbah kaba iadei bad ki kam khaïi pateng kaba la tip kum ka 7th Act East Business Show, ka ban sdang naduh lashai ka 25 tarik bad kut haduh ka 27 tarik mynta u bnai ha nongbah Shillong.
Ia kane ka jingialang yn pynlong ha State Convention Centre, Shillong, ha kaba u Myntri Rangbah ka Jylla u Conrad K Sangma un long u kongsan ha ka jingiadonlang u Symbud Myntri Rangbah u ma Sniawbhalang Dhar ryngkat kiwei de ki heh sorkar.
Ha kane ka jingialang yn sa wan ban iashim bynta da ki Ambassador jong ki High Commission bad ki Ophisar Rangbah na ki Embasi ba kynthup na Bangladesh, Bhutan, India bad Nepal, kumjuh na ki dkhot jong ka Association of Southeast Asian Nations (ASEAN).