Kum ka jingiasnohkti lang bad ka ri hi baroh kawei ka Jowai Civil Hospital Blood Bank Centre, mynta ka sngi rakhe ia ka National Voluntary Blood Donation Day kala pynlong ia ka jingleh burom ia ki kynhun (Voluntary Blood Donor organization) ki ba ju noh synniang ban ai snam man la ka por sha kane ka jaka pynlang snam
Ia ka jingialang ha kaba iadei bad kane ka prokram la pynlong ha conference room jong ka Blood Bank Centre. Ia kane ka prokram District level Observation of National Voluntary Blood Donation Day la pynlong da ka Jowai Civil Hospital Blood Centre ha ka jingiatrei ryngkat bad ka MACS bad NHM Meghalaya halor ka phang “Donating Blood is an Act of Solidarity Joint Efforts and Save Lives”.
Ha kane ka sngi u ma MLA ka Jowai u ma Wailadmiki Shylla ula long u kongsan, ha ka jingiadon ryngkat ka Dr. Rita Pohrmen, Medical Superintendent, Ialong Civil Hospital, Dr. Ramanand Prasad, Occupational Health Centre Dalmia Bharat Ltd, Dr. P. Shylla, Senior Doctor, Incharge Jowai Civil Hospital Blood Centre, Panaliar, Jowai bad ki nongsynniang snam.
Haba kren ha ka jingialang u ma Wailad ula pynpaw ka jingsngewnguh ia ka jingkylluid mynsiem jong kito ki nongsynniang snam ei. Ula kren ruh halor ka jingdonkam jong ka snam bad dei ruh ban don shibun ha ki jaka pyllang (Blood Bank) khnang ba yn lah ban pynbiang sha kino kino kiba donkam kyrkieh ia ka snam.
U kyntu ia ki Doctor ba dei peit ba kin khot bad khring kam bun ki briew, kum ki khynnah skul, ki samla pule college ban pyngsngewthuh ia ki shaphang ka jingdonkam ban synniang ia ka snam jong ki. Na ka liang jong u ruh kum u nongmihkhmat u kular ban ai ki jingiarap ia ki.
Kiwei de kiba ai jingkren ki kynthup ia ka Dr. R. Pohrmen bad ka Dr. P. Shylla, kaba la batai bniah ia ka jingiohlum snam jong kane ka jaka pyllang snam. Ka la ong ba ha u snem 2014 – collection 167 (67 Voluntary and 100 replacement), 2015- collection 338 ( 66 voluntary and 272 replacement), 2016 – collection 354 ( 103 voluntary and 251 replacement), 2017 – collection 696 ( 234 voluntary and 462 replacement), 2018 – collection 885 ( 219 voluntary and 666 replacement), 2019 – Collection 801 (185 voluntary and 616 replacement), 2020 – Collection 871 ( 244 voluntary and 627 replacement), 2021 – collection 1057 (290 voluntary and 767 replacement) bad ha u snem 2022 (haduh u September) 1046 ( 331 voluntary and 715 replacement).
Ia ka jingialang ha kane ka sngi la pyniaid da ka Ianehskem Najiar bad ia ki kyntien ai khublei la ai da u William Sumer.
Ha kane ka sngi la ioh ruh ka jingrwai na ki nongtrei jong kane ka Blood Bank kiba la rwai ia ka sur ‘You have made a difference’.
