Ka 8 tarik Nailur ka dei ka sngi kaba la tip kum ka World Literacy Day ne ka sngi kyrpang ka pule puthi kaba la pynbna da ka UNESCO naduh u snem 1966, kumta ha ka jingiadei bad kane ka ka RC. Eve Secondary School Mihmyntdu, West Jaintia Hills District kum kawei na ki shlem ai jinghikai ia kiba bun ki khynnah kiba wan na ka longing kaba duna ha liang ka ioh ka kot, mynta ka sngi 8.09.2025, ka la pynlong ia ka prokram ba kyrpang sha ki khynnah jong kane ka skul halor ka jingkordor jong ka jingnang jingstad bad ka pule puthi ha kane ka juk mynta.
Ia ka jingialang ha kane ka sngi la pyniaid da ka kong Jessica Biam, Head Teacher RC. Eve Secondary School, Mihmyntdu, ha kaba la ioh ia ka jingkren halor thong jong ka World Literacy Day na u Monte Carlo Chympa, Assistant Teacher RC Eve Secondary School bad na ka Sister Pushpita Beck, Headmistress RC Eve LPS, Mihmyntdu. Ha kane ka World Literacy Day 2025 la buh ia ka phang kaba ong “Promoting Literacy in the Digital Era”
Na ka ling ma Chympa, u ong kumba long ka thong jong ka World Literacy Day, ka di ban ai ka jingpynbna sha ki paidbah halor ka jingkor dor jong ka jingnang jingstad bad ban tip ban thoh ban tar u la kyntu ia ki khynnah ban iatreilang, halor ka jingpynduh jait ia ka jingbym nangthoh ngangpule, khnang ba ka Literacy rate jong ka shnong ka thaw kumjuh ka District bad ka jylla hi baroh kawei kan kiew na uwei u snem sha uwei pat.
Kiwei de ki programe la leh ha kane ka World Literacy Day Celebration ka jingrwai na ki khynnah skul, ka Drawing-Painting, Slogan Writing Competition bad ka Recitation.
