Ka Sorkar jylla mynta ka sngi ka 15 tarik Nailur 2025 ka la leh burom khatduh ia u myntri rangbah barim ka jylla u Dr. D D Lapang ha madan Student Jaiaw.
Ha kane ka sngi kiba don ryngkat ki kynthup ia u Myntri Rangbah u Conrad K Sangma, u Bah Prestone Tyngsong Symbud Myntri Rangbah, ki myntri sorkar jylla, ki MLA ki MDC, ki bahaïing bahasem bad ki paidbah.
Ha shwa ban leh burom khatduh ka la don ka jingbuh syntiew na u Myntri Rangbah ka jylla u Conrad K Sangma, bad ki Myntri Sorkar bad ki MLA bad ki Riew Paidbah.
Ha kane ka sngi la ioh jingkren ruh na u khun jong u (L) Dr. D D Lapang u bah B. Blah, u Myntri Rangbah u Conrad K Sangma, Dr Mukul Sangma Nongialam ka liang Pyrshah bad kiwei kiwei de.
Ia ka met ba sah jong u Myntri Rangbah barim ka jylla u Dr D D Lapang la pyndep ha u lum jingtep ka Balang Presbyterian Jaiaw.
