Ka Jaiñtia Coordination Committee on Reservation Policy (JCCRP) kiba kynthup ia ki saw seng JSU, JNC, JSM bad JYF na Jaiñtia Hills ryngkat bad ka Synjuk Waheh Shnong Ri Jaiñtia ba la ialam da u President jong ka u ma A. Lipon ki lah leit ai iaka dorkhas sha ka Expert Committee ha u Secretary jong ka u L. K. Diengdoh MCS ha kamram trei kam jong u ha Secretariat Shillong.
Kane ka kynhun ka la pynsngew ba ki la iashong pyrkhat sani bha bad ki riew rangbah na ri lum Jaiñtia, ki riew shemphang ha ka ban iatai ia sani halor ka jingai jingmut sha ka sorkar lane sha ka Expert Committee bad na ka liang ka kynhun ki la pynpaw ba hadien ka jingiashong ba la bun sien bad ka jingialang paitbah ba lah dep pynlong la mih tang kawei ka sur kata ban dawa da ka 80% ia baroh ki Khasi Jaintia bad Garo ban iakhun hajuh lyngba ka open competetion.
Ka kynhun kam kwah ban pharia iaka jaitbynriew hapdeng ki lai tylli ki kynhunnbad dei ban iakhun hapoh 80 % khlem da phiah shuh 40/40 %.