Ka seng All Hynniewtrep People’s United Front (AHPUF) mynta ka sngi ka 10 tarik u April 2025 hapoh ka jingialam u President ka seng u John Phawa ha ryngkat ki dkhot ki la leit ia kynduh ia ka longïing ka ba la pluh ha ka 17 tarik u bnai March 2025 ha ka shnong Sahsniang, West Jaintia Hills District.
Ha kane ka jingioh ban ia kynduh bad ki trai ïing ka seng da ka jingsngewkhia ka la leit ban ai ki jingiarap katba ka lah ia kane ka longïing da ka song pisa, khnang ba kane ka longïing kan lah biang ban tei ia ka ïing sah lajong.
Ha kane ka sngi la ioh ka jingkren lyngkot bad buh ruh ka jingduwai ia ka ïing ka sem na u Pastor D. Phawa bad ha ka ba kut la aiti ia ka song pisa ha i trai jong ka ïing i kong Itaima Iakai da u President.