Hynin ka sngi (21/12/2023), ka seng HITO Laskeiñ Block Circle ka la leit ban ai jingiarap ia ki khunswet ba don ha ka shnong Sahsniang, ba hap hapoh ka Laskeiñ Block, hapoh ka jingialam jong u President u Khiejoit Niang.
U ma Khiejoit ula ong ba wat la ki jingai sngewbha ki long kiba rit ba la ai da ka seng, hynrei u kyrmen pat ba kan long ka jingkyrkhu bah ia kine ki khunswet kiba donkam shisha ia ki jingiarap bad jingsynniang na ki babun balang.
Ha kane ka sngi kala don ruh ka jingialehkmen leh sngewbha da kine ki khynnah khunswet, ha ka jingiadon ryngkat lem ki Rangbah Balang kiba peit ia kane ka jaka ri Khunswet.
Na ka liang jong ki nongpyniaid jong kane ka jaka ri Khunswet kila pynpaw ka jingsngewnguh bad khublei ia ki nongialam jong ka HITO ba kynthup ia u President ma Khiejoit Niang bad ia u Secretary ma Risuk Talang bad kumjuh ia ki dkhot jong ka seng hi baroh kawei.
Na ka liang ka HITO Laskeiñ Block ruh ka ai khublei ia baroh ki para dkhot jong ka kiba la trei shitom na ka bynta ban iarap synniang lem sha kine ki khunswet.