Ka seng Hynniewtrep Achick National Movement (HANM), Jaintia Zone, mynta ka sngi hapoh ka jingialam u President HANM Jaintia Zone u bah Shaniahlang Suchen, ki la ia kynduh ia u Deputy Commissioner ka West Jaintia Hills District bah B.S. Sohliya, IAS, na ka bynta ban kyntu ia u ban kheiñ biang ne pynthikna ia ka jingdon u dewiong ha poh ka District u ba ka sorkar kan die lilam noh.
Na ka la liang ka seng ka la ong ba katkum ka jingpynbna jong ka sorkar ba u dewiong ba la ioh kem u don haduh 46,882.12 MT, katkum ki jaka ba la kdew kiba don hapoh ka District. Ha ka jingiadei bad kane ka seng ka kwah ban pynthikna biang na ka liang ka ophis u DC ia ka jingdon u dewiong hashwa ban die lilam. Na ka liang ka seng ka pynpaw ia ka jingpyrshah ia kano kano ka jinglilam kat bym pat lah ban pynthikan ia ka jingdon u dewiong ba la shah kem.