Ka Hynñiewtrep Border Disputed Redressal Forum ( HBDRF) mynta ka sngi 10 . 7 . 2024 kala leit ïa kynduh ïa u Chief Executive Member jong ka Jaiñtia Hills Autonomous District Councils Jowai , U Ma Thombor Shiwat ha kamra trei kam jong u ha ophis ka Jaiñtia Hills Autonomous District Council Jowai.
Hakane ka por ka Forum haka jingïalam u Bah , C. Sungoh uba long u Chairman jong ka kila ïoh ban aiti ïaka dorkhas bad ïakren ruh ia kine ki mat harum :
Haka jingïadei bad ka 10- Mynsngad Khanduli Constituency.
Kat kum ba paw haka Lists jong kane ka Constituency te kawei ka shnong kaba kyrteng ka Rtiang Sanphew kam shym la don satia, kumta ka Forum ka kyntu ban kynthup lang noh ïakane ka shnong hapoh jong kane ka Constituency.
Kane ka shnong naduh ba la shna ïaka United Khasi Jaiñtia Hills District Councils haka snem 1952 ruh ka hap hapoh jong ka jingpeit jong kane ka Councils, bad ynda haba ka Jaiñtia Hills Autonomous District Council kala ïakhlad bad ka Khasi Hills Autonomous District Council ruh ka hap pura hapoh u pud u sam jong ka Jaiñtia Hills Autonomous District Council bad hapoh jong ka Jylla Meghalaya. Kane ka shnong kamdei ka disputed area , kadang hap pura hapoh ka Jylla Meghalaya. Bad ki nongshong shnong jong ka ne ka shnong ki long ki Khasi Pnar bad katto katne ki Nepali bad kham bun dei ki Karbi. Ki ïoh ruh ïaka skul naka JHADC ki schemes ICDS khaw rashon bad kiwei kiwei de ki schemes naka Jylla Meghalaya ki don ruh iaki Election Photo Identity Cards shapoh ka Jylla Meghalaya kat haka MLA Election 2013 baroh ki dang thep vote sha 1- Nartiang Constituency. Hynrei dei tang namar ba ki nongshong shnong jong kane ka shnong ki kham bun ki Karbi te bun ba ki kyntaid ïaki Grants ki Schemes na Meghalaya bad kwah noh ban pyniïasoh sha Karbi Anglong Assam. Bad lehse dei na kane ka daw te ki nong synshar jong ngi ruh kila kum klet noh ïaka. Ka Forum ka kyntu bad dawa ïaka District Councils bad ïaka Delimitation Committee ba da lei lei ruh kam dei ban ïeh noh ïa kane ka shnong . Ngi donkam ïaka khyndew ka shyiap u pud u sam ym tang ïaki jait briew , kumta lada ïeh noh ïaka khyndew ka shyiap u pud u sam tang namar ba shong basah daki katto katne kiwei pat ki kynhun jait bynriew te ka long kaba bakla shibun !
Hakane ka constituency ruh ka don kawei ka shnong kaba paw kyrteng ka Lakaroi Pnar bad hakane ka shnong ruh ki don ki Karbi , te lada ai kyrteng Lakaroi Pnar kan mih ka jingsngewpher jait bynriew bad ka long ruh kumba pynïakhlad ïaki nongshong shnong jong kane ka shnong hapdeng ki Karbi bad Khasi Pnar. Kumta ka Forum ka ai jingmut ban pyndam noh ïa kane ka kyntien Pnar bad pynskhem noh tang daka Lakaroi bad kynthup lang baroh Khasi Pnar bad Karbi.
Kadon ruh saka wei ka shnong kaba ki klet kata ka dei ka Tahpat Pnar kaba don hajan jong ka shnong Lapangap. Ka Forum ka kyntu ba ïa kane ka shnong ruh dei weng noh ïaka ta ka kyntien Pnar bad shu ai tang Tahpat namar kane ka shnong kadon marjan bad ka shnong Tahpat kaba bun ki nongshong shnong jong ka ki dei ki Karbi. Dakaba leh kumne kan long kum ka jingpynheh pynïar ka Council ïala u jong u tnum u thyndai bad kan ïarap ruh shibun ban pynskhem ïa u pud u sam ka khyndew ka shyiap khamtam ban iada naka jingkyntur pud bad ka trai jubor daka Karbi Anglong Assam.
Ka Forum ka kyntu ruh ban kynthup lang noh bad ka shnong Mowjem Pyllun hapoh jong ka 14 – Sahsniang Mowkaiaw Constituency. Kane ka shnong kala ïoh jingithuh naka Jaiñtia Hills Autonomous District Council bad u Waheh Chnong jong kane ka shnong ruh ula ïoh Syrnod Waheh Chnong naduh ka snem 2022 kumta dei ban kynthup lang noh ïa kane ka shong bad ki dong ki kyntoid baroh ki badon hapoh jongka shapoh kane ka constituency. Kane kan ïarap shibun ban ïoh pynrung noh ïa kane ka shnong bad ïaka Elaka Labang Nangphyllut ( ,Block-1 ) hi baroh kawei shaka Jylla Meghalaya kumba kane ka thaiñ ka dang don hapdeng ka Re-transfer area.
Kumba la ai jingthoh bad ïakren sani bha bad U CEM ka JHADC ka Forum ka kyntu ruh ïaka Delimitation Committee ban shim khia halor kane kam. Bad ka kitbok kit rwiang ruh ba kane ka jingpynkylla Constituency thymmai kan long kaba ïaid beit ïaid ryntih. Ka Forum ka kyntu ruh ïa baroh ki paid nongshong shnong jong ka Ri Jaiñtia ban ai ka jingïatrei lang bad Delimitation Committee lane ka JHADC khang ban wanrah ïaka jingïasngewthuh jingmut ban pynbeit ïaka kam.
Ïakane ka kyrwoh la phah da u C. Sungoh , Chairman – HBDRF.