Ka HANM, West Jaintia Hills Districts hapoh ka jingialam u President ka seng u Samla Wankishwa Mawlong ryngkat bad ki dkhot ka seng ki la leit ban iakynduh bad ai jingthoh ia u Executive Engineer PWD South Division ha ka ba iadei bad u Surok By Pass barim u na iaid na Lad Nartiang Mihmyntdu shaduh Jingkieng Myntdu Caroline Colony ia u ba la iehnoh la bun tylli ki snem khlem kano kano ka jingpynbha ia une u Surok.
Na ka Liang ka seng ka la dawa jur ba dei ban shna pynbha noh namar lyngba une u Surok kan pynsuk bad ai jingmyntoi ia ki paidbah jong ka thaiñ bad kan iarap ruh ban pynduna ia jingkhap ngiah ka sor Jowai na ka jingdheng kali.
Na ka Liang u E.E. jong ka PWD u la kular ba shen yn sdang noh ban shna ia u ne u surok tang hadien khyndiat bnai ban wan.
Na ka liang ka seng ka kyrmen ba kin shim khia halor kane, bad ka khmih lynti ruh ba shen ka sorkar kan sa maramot noh ia u ne u surok.
