Hynnin ka sngi na ka liang jong ka JSU Shillong circle ka lah leit ïakynduh bad ai mynsiem ïa ki ba ha ïing jong ki arngut ki khynnah pule NEHU ka Daritngen Poduhkhei bad ka Stephanie Shadap kiba shah tynrah ha uwei u security guard NEIGRIHMS ha NEHU campus.
Na ka liang jong ka JSU ka la ai mynsiem bad ka kular ban don lang bad ki ha kum kane ka jingjia kaba sngewsih bad ka long kaba kloi ban leh ïa kaba donkam ha kaba ïa dei bad kane ka jingjia.
“Na ka liang jong ka JSU Shillong ngin thoh sha u VC/Pro VC ka NEHU ban pynkhlaiñ ïa ka security, safety bad ka jingshngaiñ hapoh ka NEHU”, la ong u JSU Adviser, A. Suchiang.
“Ngin thoh ruh sha u SP East Khasi Hills, Shillong City ban pynngat ïa u Parmen M. Sangma ha ki aiñ kiba dei rukom bad da kiba eh.
Ngi duwai ruh ba kine ki arngut ki samla pule ba kin koit kin khlaiñ kloi khnang ba kin ïoh biang ban bteng ïa ka jingpule.
Ngi kyrpad ruh ïa phi ki paidbah ruh sngewbha ïa duwai lem na ka bynta jong ki”.
