Leit ai mynsiem ka KSU ïa ka longïing u (L) Tellmi Talang ba shah pynïap ha khappud Assam

Ka Khasi Students’ Union (KSU), Lapangap Unit mynta ka sngi Balang kala leit ai mynsiem ïa ka longïing jong u (L) Tellmi Talang uba la shah pynïap dusmon haka por ba u dang rep lyngkha ha ka jaka kaba ïa khajia pud bad ka Assam.
Ha kane ka sngi la ïadonlang ki nongïalam jong ka Lapangap Unit naduh u President samla Augustan Timung, u General Secretary samla Saikia Sumer bad ka jingsynran lang ki nongïalam jong ka Nartiang Circle naduh u President samla Chanbor War, Adhoc General Secretary samla Juhhi Tariang bad kiwei de kila leit ai mynsiem ïa kiba ha ïing jong u (L) Tellme Talang uba shah pynïap ha ki briew kiba ym ithuh katba u dang rep lyngkha.
Kum ka dak ban kymmaw burom mynta ka sngi ïa lyngkhuh dap shisnem ka jingkhlad jong une u Samla rangbah, kiba haïing, ki nongïalam Balang Presbyterian bad ka KSU Lapangap kila leit ban buh syntiew ha u mot jong u (L) Tellme Talang.
U Hynmen jong u (L) Tellme u ma Eimi Talang ula ong ba haduh mynta lah dap shi snem kynthih ka jingkhlad jong u para jong u, ki bor jong ka aiñ ki khlem ïoh ban kem ïa kiba don kti ban pynïap dusmon ïa u para jong u bad ruh halor kane na ka liang ka KSU ka la pynsngew ba kan ïai don ha syndah bad ka ïing ka sem bad ruh ban bud dien ha ka ban pynïoh ïa ka hok jong u (L) Tellme Talang bad ïa ka ïing ka sem ka jong u.