Ka Khasi Students’ Union South West Border Circle ha ka 05/12/2025 ha ka jingialam u samla Andrias Talang Education Secretary bad Samla Kampher Pohthmi Vice President Ryngkat ka jing synran u Nongialam rangbah Streamly Nongjop Suchen President bad samla Hamewanpynhun Ryngkhlem Publicity Secretary KSU East Jaintia Hills District Unit, ki la leit ban buh dorkhas ha office Sub-divisional Officer Me P.D.C.L Khliehriat Division ha ka ba iadei bad ka ka jing bym pat don light connection jong ki Shnong Khappud ha poh East Jaintia Hills District, kita ki long ka Shnong Lejri, Lahalein-Lailong, Huroi bad Hingaria, na ka liang ka seng ka la ioh ban pynsngew ha u SDO ia ki jingeh jong ki nong shong Shnong jong ka thain border Indo-bangla, wat la hadien da ki phew snem ka jing dawa ba shong hok jong kitei ki nong shong hynrei tad haduh mynta ka sorkar kam pat pynsngap ei ei ban pynurlong. Ka seng ha ka dorkhas ka dawa ba ka tnad ba dei peit ka dei ban pyn urlong mardor ia ki jingdawa ki nong shong Shnong lem kumta ka seng kam banse ban shim da ki wei pat ki sienjam ban pyntikna ba ka hok jong ki para doh para snam ba shong ba sah ha khapud kam dei ban duh bad ha ka juh ka por ka seng ka banjur ba kymno ka sorkar ka khlem phai khmat ia katei ka thain da phew phew snem wat la ka sorkr ka tip shai ba katei ka thain ka ka don ka khapud bad ka Bangladesh bad ka don ruh ka jingma ia ki nongshong Shnong hynrei ka sorkar ka khlem shim khia bad ka hun ba kin shong kin sah ha ka jongdum. Ka seng ka phah ka khubor sha ki nong shong Shnong jong ka thain border ba kin iaishah bad ai ka jing iatreilang bad ka seng tad haduh ban da ioh ka jubab na ka office u SDO lada ka jing dawa ka seng kam long ka ba seisoh na ka liang ka seng kan sa shim da ki wei pat ki sien jam ban pyntikna ba ka hok jong ki nong shong Shnong kam dei ban duh.
