Mynta ka sngi na ka liang ka Hynñiewtrep National Youth Movement (HNYM), Saphai Unit hapoh ka jing ialam u President ka West Jaiñtia u samla Pynhun Shulet ha ryngkat ka jing iadon lang u General Secretary ka Saphai Unit, u samla Melki Dhar bad u Vice president Saphai Unit u samla Shemphang Dhar ki la leit ia kynduh ia u Assistant Excutive Engineer Shangpung Distribution Sub- Division ban dawa ban pyndep noh ia ki electric poles ki ba la sdang trei naduh u snem 2019 ha shwa ban wan ka khlam Covid-19 hynrei kaei ka ba pynlyngngoh pat iaka seng ba haduh mynta ia kine ki poles la ieh noh khlem da pyndep ia ki ha kiba bun ki kyntoit jong ka shnong Saphai.
Na ka liang ka seng ka la dawa mardor na u Assistant Excutive Engineer ban phah pyndep noh ia ki ne ki poles khnang ba ki paitbah nong shong shnong kin ioh ban ring light noh sha ki ïing jong ki, bad ha kajuh ka por ruh na ka liang ka seng ka la ai por ia u Assistant Excutive Engineer ban phah pyntrei biang hapoh ka shi taiew lada kim leh ka seng hi kam banse ban iaid noh da ka wei ka lynti, bad na ka liang u AEE ruh u la kular ban leh bad ban phah noh ia ki contractor ban pyndep noh ia kitei ki poles ba dang sahteng.
Ka seng kan nym shongthait kan iai bud dien kat bym pat pyntrei biang ia kine ki electric poles pynkut ka khubor ba la pyllait da ka seng.