Ha ka sngi shuti jong ka Jylla Meghalaya baroh kawei na ka bynta ka jinglehkmen Shad Suk Mynsiem, u Myntri Rangbah Conrad K. Sangma u la shim da ka kabu ban pynpyngngad jabieng ialade bad ban leit sakhi ia ka khlaw kaba bun na ki nongshong Shnong ka jylla kim tip ia ka jingpaw nam bad ka jingdon nam na ka nongpyndonkam ia kane ka khlaw ha ka por ba synshar ka Sorkar British. Kane ka khlaw ha don ha Upper Shillong ha kaba la hap ban iaid lyngba ka jaka ba la buh kyrteng ka ‘Rhododendron Trek’.
Ha ka jingleit iuh kjat da lade, u Myntri Rangbah u la iathuh ba kane ka dei ka jaka ba la pyndonkam da ki dohlieh ha ki por ba mynshwa bad haba iaid lyngba kane ka khlaw la lap shibun ki jingitynnad, kynthup ia ki dieng ba bun jait, ki syntiew ba bun rong, ki jaka rieh tngen jong ki shipai bad ki nur kiba la shna khnang ban pyndonkam ha ka por thma.
Shuh shuh u Conrad u la iathuh ba ka jingmad ia kane ka jingiaid lynti ka long kaba myntoi namar ka jingkhuid jong ka lyer bad ban iohi ia ki um ba sngur.
U Myntri Rangbah u la ai mynsiem ruh ia ki paidbah ba kin wan da lade ha kane ka jaka namar kam dei ruh kaba jngai na ka Nongbah “nga pynshlur ia baroh kynthup ia ki tourist ba kin wan ban mad da lade ha kane ka jaka ban lap bad iohi shibun ki jingmyntoi”.