Ka seng Pnar Student Movement (PSM) hynnin ka sngi hapoh ka ka jingialam jong u President Rangbah bad u General Secretary ka la hiar sha ka shnong Lapangap na ka bynta ban iarap ot kba lem ia ki nongrep jong katei ka shnong.
Ka khubor ba la phah da ka seng la iathuh ba haba ki dkhot jong ka seng kila poi ha katei ka jaka, kila lap ba la syrtap da ki Pulit ka Assam ha ki pynthor kba, ha kaba pat shah ia ki ban ot ia u kba ha kito ki jaka ba dang iakhajia. Kumta ka seng ha ka jingiakynduh bad u Waheh Shnong kila hap ba leit iarap noh ia ki nongrep sha ki bynta ba shaneng ban ioh ot bad shoh kba.
Na ka liang ka seng PSM ka kyntu jur ia ka sorkar bad ruh ia u Deputy CM uba dei u nongmihkhmat na kane ka Constituency ban kin sngewbha ban pynbun ia ki bor Pulit ha kine ki jaka khnang ban ai ka jingiada ia ki paid Pnar ba kin ioh ban pynlum pynlang ia u kba uba kila trei shitom naduh ba sdang, pynkut ka kyrwoh na u Publicity Secretary ka PSM u E. Suchiang.
