Ka West Jaintia District Badminton Association, Jowai, ha ryngkat bad ka Laskein Blok kin sa leit ban iashim bynta sha ka Meghalaya Games 2022 ka ban sdang naduh ka 3-5-2022 haduh ka 6-5-2022 ha nongbah Shillong.
Ia kane ka kynhun yn lamkhmat da u ma Homelin Bareh bad u ma Teddy laloo kum ki coach bad Manager bad kin mih na Jowai lashai ka sngi (2.5.2022). Ki don kumba 26 ngut ki players shynrang bad kynthei ki ban iakhun ia kane ka lympung. Ka WJDBA kan iashim bynta ha ka Senior bad under 19 yrs Men’s/ Women.
Ia kane ka jingiakhun yn sa pynlong ha SAI kaba don hapoh NEHU, Shillong.
Ha kaba iadei bad kane ka jingleit iashim bynta jong ki players ka WJDBA kala sam ruh ia ki T-shirt & pant ha ka 30-4-2022 sha baroh ki players jong ka kiban lait iashim bynta sha kane ka lympung Meghalaya Games 2022. Ha kane ka sngi la iadon lang u J.M.Pohsngap President ka seng, ha ryngkat lang bad ki members ka Laskeiñ Block Badminton Association kaba la pyniasoh (Affiliated) bad ka WJDBA. Na ka liang jong u President ka WJDBA u ma Pohsngap ula ai ki kyntien pyn-eh bok ia ki players jong ki player jong kine ki ar kynhun khnang ba kin wanrah ia ka nam bad burom ia lade bad kumjuh ia ka District hi baroh kawei.
