Ka Nehru Yuva Kendra Shillong bad ka Nehru Yuva Kendra Aizawl, kaba dei ka Department jong ka Ministry ka Youth Affairs and Sports ka sorkar India, kila ioh ban pynlong ia ka ka Inter State Youth Exchange Program ISYEP kaba la sdang naduh ka 5 tarik u Rymphang 2025 ha Lunglei, Tourist Lodge ha jylla Mizoram.
La pynlong ia kane ka program kum shi bynta ban iarap ia ki khynnah samla ban kyntiew ia ki jingnang bad jingtip halor ka jinglong jingman ki jaka ki puta ka rukom im bad ka rukom long ki wei pat ki jait bynriew riewlum.
Kane ka program ka iarap ruh ia ki samla ban don ka jingieid bad ka jingiadei kaba jan hapdeng iwei pa iwei.
Mynta ka sngi ka 11 tarik u Rymphang la pynkut noh ia kane ka program hapoh ka jingialam i Mercy Sallate, State Director ka Nehru Yuva Kendra, Aizawl.
La ioh ruh ka jingkren na i Dinga Rynthlei, General President ka Young Mizo Association (YMA).
Ha kane ka jingkren u la ai khublei pdiang sngewbha ruh ia ki arphew hynniew ngut ki khynnah samla ka jylla Meghalaya kiba la ia wan shimbynta ban sakhi bad ban sam ia ki jingrwai bad ki jingshad tynrai ha kane ka program.
Ha kane ka program la ioh ruh ia ki jinghikai ki bapher bapher, kynthup ia ki jinghikai rwai, ki sport bad ki jingialehkai tynrai.
Ka la don ruh ka jingialam ia ki samla sha ki jaka sah refugee camp bad sha ki jaka rehabilitation ha kaba ki khynnah samla ki la ioh ka lad na ka bynta ban sakhi bad ban ia kren halor ki jingeh bad ki jingmyntoi.
La sam ruh ia ki certificate sha ki nong ia shim bynta ha kaba la pynkut ia ka program.
