U Narendra Modi, Myntri Rangbah duh jong ka Ri India, u la poi ha Washington DC, ha ka sngi palei na ka bynta ban iakynduh ia u President ka Ri Ameria u Donald Trump. U la ïakynduh ruh ïa ka heh jong ka Intel jong ka US, u Tulsi Gabbard bad hadien un sa ïakynduh ïa u heh billionaire jong ka tech, u Elon Musk.
Kane ka jingïakynduh hapdeng kine ki arngut ki nongïalam ka wan hapdeng ka jingïakynad kaba jur bha ha kaba ïadei bad ka jingpynkiew khajna jong u Trump ïa ki katto katne ki ri, ka jingthmu ïasuk jong u ha Gaza kaba la pynmih jingïakynad, bad ka jingpynkynriah paidbah jong u ïa ki nongwan buhai shnong be-aiñ kaba dang ïaid shakhmat. Kine ki mat ki lah ban paw bha ha ki jingiakren jong ki namar ba baroh arngut ki nongialam ki wad ban pynskhem ia ka jingiadei hapdeng ki arliang mamla.
U PM Modi un dei u nongmihkhmat ba saw jong ka pyrthei ban ïakynduh ïa u Trump ha White House.U President jong ka US u la dep pdiang sngewbha ïa u Myntri Rangbah duh jong ka Israel u Benjamin Netanyahu, u Myntri Rangbah duh jong ka Japan u Shigeru Ishiba bad ïa u Syiem Abdullah jong ka Jordan ha ki taiew ba sdang jong ka jinglong President ba arsien jong u.
