U Sanjay Kumar, IAS, Secretary, jong ka tnad School Education & Literacy, Ministry of Education, ka Sorkar India, ryngkat bad u Prof. Dinesh Prasad Saklani, Director, NCERT, ki la leit ban jngoh ia ka North East Regional Institute of Education (NERIE), Shillong.
Haba ai jingkren ha kane ka sngi, u Prof. Dinesh Prasad Saklani u la pynshai bad pynkynmaw ba ka jingjop jong ka NCERT ha ka pule puthi bad kdew ia ka jingdonkam bad ka thong ban pynbha ia ka rukom hikai ha ka thain lyngba ka NERIE. Shuh shuh u la kren ruh ia ka jingdonkam kaba kyrkieh ban pynbha bad pynheh ia ki kamra ha NERIE na ka bynta ban pynlah katkum ka jingkiew jong kane ka shlem.
Katba na ka liang u kongsan Sanjay Kumar, haba ai jingkren u la ban da kaba ong ba ka thong ba hakhmat eh jong ka tnad ka long ban pyntikna ba uwei pa uwei u khynnah u ioh ia ka jingnang jingstad lyngba ki skul. U la kdew ruh ia ka jingdonkam jong ka jingnang jingstad na ka bynta ban saiñdur ia u khynnah ba un long u ban myntoi ha ka imlang sahlang. U kongsan u la iaroh ia ka NERIE halor ka jinglah ban shimkhia ha ka ban ai ia ka jinghikai kaba paka. U la kyrpad ruh ia kane ka shlem ba kan kham pynjynsur na ka bynta kiba pule B.Ed bad sdang ruh ia ka Integrated Teacher Education Programme (ITEP) kaba 4 snem.
Ban kham myntoi shuh shuh ia ki samla pule bad ban pyntikna ba kin ioh ia ka jingshah hikai ha kane ka shlem, u Sanjay u la kyrpad ruh ka Sorkar Jylla ban pynbiang lane pynioh ka jaka na ka bynta ban pyniar ia ka jingshna ia ka NERIE.
