Ha ka khubor ba la pyllait da ka HYC War Jaintia Circle la iathuh ba ha kane ka 23.08.2023 ka seng hapoh ka jing ialam u President samla Yoodahunki Shylla ryngkat ka jingsynran lang ki dkhot ka seng ki la leit ban jurip dalade ia katei ka jaka sumar.
La iathuh ba ka seng hadien ba ki ioh shibun ki jingud jingnam jong ki paidbah bad na ki nongtrei jong katei ka Pdengshekap PHC kala leit ban jurip ia katei ka PHE bad ha ka jingjurip kila lap shisha shibun ki jinduna ha kane ka PHC bad na ka liang ka seng ka la ioh ban iakren markhmat bad i M/O incharge jong katei ka hospital i Dr. Shemphang Pohtam i la iathuh ba ka PHC haka por ba hap slap baroh ki ward ki slei um namar ka jingbym biang shuh ka Building infrastructure.
Ka jing bymbiang shuh ka kali Ambulance ban kit Ia ki nongpang ha ki emergency case bad ka jingthud palat u network ka la pyndkoh shibun ia ka jing treikam ha ka ba iadei bad ka MHIS scheme bad ki wei de ha ba iadei bad ka online, ki hap leit wat network khnang sha ki jaka ba biang ka internet tang ban ioh leh Ia ka finger print, kumjuh ruh ka jing bym trei kam shuh ki solar kaba 50 KWp SPV POWER PLANT kaba la pynioh hapoh ka skhim “Solar PV power Scheme of MNRE. Govt of India implemented by MNREDA shillong (2016-17) project executive by ADITI SOLAR PRIVATE LIMITED” ka bym trei kam shuh haduh mynta mynne.
Haba peit sha ka phyllaw jong PHC ka long kaba i sangsot haduh katta katta namar wat tang ki Dustbin ban bret ia ki jaboh jabaiñ ruh kim don shuh bad ki jaka leit shabar (toilet) ruh kim da biang shuh. Na ka liang seng ka la kyntu ia u Doctor haba dei ka por wan trei jong ki staff khnang ba kan ym ktah ia u paidbah jong ka thaiñ War East bad khnang ban lait na kino kino ki jing shah complain na ki paidbah. Na ka liang ka seng ka kyntu ia ka sorkar lyngba ka Health Department ba kan shim khia mardor haba iadei bad kine ki jingduna jong ka PHC. Bad na ka liang ka seng kan iai buddien ia kine ki mat jingdonkam jong ka PHC sha ka sorkar tad haduh ba kin da urlong.