Ha ka 27 tarik mynta u bnai ki nongialam ka Seng WJSU, na ka East Satpator Sub Circle hapoh ka jingialam u President ka Sub Circle u Youmiki Syrti ha ka jingiadon ryngkat ka Finance Secretary Miss Rikular Suchen, Sumar Ruphi President Moopyut Sub circle, ki la leit jurip (Inspection) ia ka Residential School building kaba don ha harud ka shnong Pdengshakap, Amlarem Civil Subdivision.
Ka kane ka jingleit jurip ka seng la lap 3 tylli ki building skul kiba la pait lut ki ïit bad jingkhang bad ka rukom shna ia kitei ki building kiba long sub standard kaba syrkhei haduh katta katta.
Ka seng ha kawei ka liang ka sngewlyngngoh hadien bun bun snem ba la dep ia ki building skul, hynrei ka sorkar kam plie shuh ia katei ka residential skul khnang ba ki khynnah skul ka thaiñ bad ka District hi baroh kawei kin ioh mat ia kum kitei ki jingnang jingtip katkum ka juk ba mynta.
Ha kawei ka liang, jia aiu ia ka Education Department ne sorkar jylla hi baroh kawei, kumjuh ka sorkar ka don policy tang ban shna ki building hynrei ban pyntreikam ia ki building kam don pisa, ki shna dep ia ki building ha ka jaka ba kin pyndep shwa ia ka approach roads na surok Muktapur shaduh ba don kitei ki building skul.
Ka seng na East Satpator Sub Circle ha ryngkat ka seng kmie shen kin ia shong pyrkhat bad shim ia ka rai ban buddien ia kane ka skul ïngjah (ghost school) khnang ba ki paidbah ka thaiñ kin mat ia ka roi ka par ha ka liang ka pule puthi.
Kane ka long katkum ka jingpyllait khubor na u Saman Shylla, Publicity Secretary
WJSU, East Satpator Sub Circle.
