Ka Seng Hynniewtrep Youth Council (HYC), Mawkyrwat Circle hynne ka sngi ka 16 tarik Nohprah 2025 ka la wan iakynduh ia ka DGP ka Kong Idashisha Nongrang, IPS, ban ailad biang ia u bah Banraplang Jyrwa ban bteng ia ka kam SP jong ka South West Khasi Hills.
Haba kren sha ki lad pathai khubor na ka liang u President ka HYC Mawkyrwat Circle u Bah Wallambor Nongsiej u la ong ba ka Seng ka la kyrpad ia ka DGP ban pynneh biang ia u SP ka South West Khasi Hills u Bah Banraplang Jyrwa kum u SP ka South West Khasi Hills District.
Ka Seng ka la pynpaw ruh haba iadei bad ka jingdawa ban pynneh biang ia ka jingtreikam u SP ha South West Khasi Hills District ka long ba tang shisnem ka jingtreikam kum u SP ruh kam pat don hynrei u la shah transfer noh bad ka Seng ka kyntu ia ka DGP ban pynneh biang ia u SP ha katei ka District.
Na ka liang ka DGP ka la ong ba kan sa leh katba lah haba iadei bad ka jingpynsngew ka Seng HYC.
Ka Seng ka la ioh ruh ban pynsngew ha ka DGP haba iadei bad ka Anti Narcotic Task Force ban shimkhia bad ban tehlakam ban lait na u drok hapoh South West Khasi Hills bad kumjuh ban tehlakam ia ka jingwanrung kyrthep ki briew na bar ri.
