Ka Sarot I Man (SIM) ka kynhun treimon sngewbha jong ki 11 ngut ki shiparalok na nongbah Jowai hynnin ka sngi kila ioh biang ban leit bud dien ia ki tynrai dieng kiba kila dep ban thung ha une u bnai uba la dep.
Ha kane ka jingbud dien kila ioh ban pynkhuid bad sumar biang ia kitei ki tynrai dieng kiba kila dep ban thung ha ki bynta jong ka Syntu Ksiar harud jong ka Wah Myntdu.
Ka jingthmu jong kane ka jingbud dien ia kine ki tynrai dieng kiba la dep ban thung ka long ruh shi bynta kumba ai nuksa ia kiwei de ki kynhun seng, ki riew shimet ne ki tnad ophis sorkar ba ki dei ban bud dien ia kito ki tynrai dieng kiba kila dep ban thung, khnang ba kine ki dieng kiba la dep thung kin ioh ban im bad ban heh ban san, lymda kumta ka jingpynlong ia ki prokram thung dieng kin shu long tang ka jingpyndep rukom, khlem da pynmyntoi ia ka mei mariang.
