Mynta ka sngi ba-lai jong ka jinglehniam Shad Behdieñkhlam jong ka Seiñ Raij Jowai, ha kaba ki khun jong ka Seiñ Raij na baroh ki shnong kiba hap hapoh jong ka, ryngkat ki bom ki tangmuri kila mih na la ki jong ki jong ki shnong ban leit rah ia ki Dieñkhlam kiba don ha Iawmusiang Jowai bad kumjuh ruh ia ka Khnong Blai kaba don ha Loomsooiung Jowai.
Mynta ka sngi ba-lai kaba dei ruh ka sngi Musiang ki khun ka Raij da ka jingshad bad risa ka kynhoi ryngkat ka bom bad ka tangmuri, ki la wan ban leit rah ia ki Dieñkhlam jong ki bad pynpoi shwa ia ki ha Pohsawiar, hangne la don ka jingialang ha kaba la ioh ia ka suit ka shor ha ka jaka ba la buh ia ki Khnongblai kaba la shim bynta da u Doloi ka Elaka Jowai u ma P. Kynjing, ha shwa ba un aiti ia u Klong Blai sha u Kñi ka Nikhla.
Hadien kane pat ki khun ka Raij ki rah biang ia ki Dieñkhlam jong ki ban leit buh pat sha Biar ka Blai.
Katba la shai ka sngi ba khatduh kata ha ka 03.07.2024, ka jinglehniam shad Behdieñkhlam kan sdang naduh ka por 5:30 mynstep da ka jinglehniam kaba la tip kum ka Kyntin Khnong bad ha ka por 7:30 mynstep pat ka don ka jinglehniam Shad Tyndai ne Sympat Yung bad ha ka por 2 baje nohphai sngi yn sdang ka program ha Syiem Aitnar kaba dei ka jaka noh rod.
