Ka Dorbar Shnong Chilliangraij ryngkat ka jingiatreilang bad ka Meghalaya Aids Control Society, National Health Mission kum shi bynta ka dak jong ka jinglehkmen bad burom ia ka jingdap 75 snem ka jingiohlaitluid ka ri hynnin ka sngi kila pynlong ia ka Awareness Cum Voluntary Blood Donation Camp ha Jowai Civil Hospital Blood Bank, kaba don ha Panaliar Jowai.
Kila don haduh 10 ngut ki samla kila ai sngewbha ia ka snam jong ki sha kane ka jaka kynshew snam ka sorkar kiba kynthup ia 2 ngut ki kynthei bad 8 ngut ki shynrang.
Haba kren ha ka jingialang ba lyngkot u ma Oriland Shylla uba dei u General Secretary ka Chilliangraij ula ong ba ka thong jong ka shnong ka long ban iarap kylliang bad ban pynim ia ki mynsiem ba kordor kiba dawa shisha ban ioh ia ka jingiarap ba kyrkieh. Na ka liang ka shnong kala shim ia ka rai ban pynlong ia kum kine ki prokram synniang snam ar sien ha ka shisnem kum ka dak ban rakhe ia ki ar tylli ki sngi ba kyrpang jong ka ri India kata ha ka Republic Day bad ka Independence Day.
Na ka liang ka Dr. P. Shylla, Medical & Health Officer In charge Blood Bank, Jowai Civil Hospital ka pynpaw ba ka dap da ka jingsngew nguh kaba khraw ia ka DS Chilliangraij kaba la pyni ia ka mynsiem iatreilang na ka por sha ka por na ka bynta ban pynim ia ki mynsiem bakordor kiba donkam jingiarap na kane ka Jowai Blood Bank.
