[Photo : MSL]
Ka jingialehkai phutbol jong ka Meghalaya State League (MSL) 2023, Jowai Zone kaba la pynlong ha madan Kiang Nangbah Stadium Jowai, mynta ka sngi 26.05.2023 ka jingiakhun kala long hapdeng ka Youth Club Pdengkarong pyrshah ia ka Ladthalaboh SC, ha kaba ka Youth Club Pdengkarong kala jop da 1-0 kol ia ka Ladthalaboh SC.
Haba phai sha ka jingïakhun kala long kaba ïakhait bad ba itynnad ka jingiakhun hapdeng kine ki ar kynhun, hynrei na ka liang ka Youth Club Pdengkarong kala ïoh ban pynkhih ïa ka jar lyngba u Menri Buam ha ka minit ba 27 jong ka jingiakhun, kumta kane kawei ka kol jong ka Youth Club Pdengkarong kala pynlong syndon ïa ka ban jop ia ka Ladthalaboh SC da 1-0 kol.
Ka jingïakhun ban long ha ka sngi thohdieng 27.05.2023 kan long hapdeng ka Mulait FC pyrshah ia ka Seiñ Pynbhalang SC ha ka por 2 baje shiteng nohphai sngi.
