Ka Dream Mission jong ka Sorkar Jylla ha ka 24 tarik Lber 2025 ka la ioh ban pynlong ia ka jingialang bad ki Village Defense Party (VDP) ha ryngkat bad ki Pulit ban iathir iatai halor kumno ban rat dyngkhong ia u droks.
Ha kane ka sngi ba pynlong ia ka jingialang la pyniaid da u Mission Director jong ka Dream Mission jong ka Sorkar u Bah Francis Kharshiing, ha ka jingiadon ryngkat lang u SP ka East Khasi Hills u Bah Vivek Syiem, ki Ophisar jong ka tnat Social Welfare bad ki nongpyniaid jong ka Village Defense Party na ki shnong bapher bapher kiba don ha ka East Khasi Hills.
Ha kane ka sngi la ioh ruh ka jingai jingmut ban pynkhlaiñ ia ka jingtreikam jong ka Dream Mission bad ki Village Defense Party na kylleng ki shnong ba don hapoh ka East Khasi Hills ban iathir iatai ban iamir jingmut halor ki buit treikam bad ki jingpyrshang ban iatreilang bad ban weng ia ki jingeh haba iadei bad u Droks bad ban wanrah ia ki jingshngaiñ ha ki Shnong ki thaw.
Na ka liang u SP ka East Khasi Hills u la iaroh ia ka jingpyrshang jong ka VDP ban iatreilang ban pynneh ban iada ia ki dong ki shnong jong ki Distrik bad kumjuh ha Nongbah Shillong.
Ka jingialang ka long kaba jop ban ïakhun pyrshah ia u Droks bad ki kam runar ha Nongbah Shillong bad da ka jingkut jingmut kaba thymmai na baroh ki nongiashim bynta ban iatreilang na ka bynta ka imlang ka sahlang kaba kham shngaiñ.
