U Myntri ka tnat ka rep ka riang jong ka Sorkar Pdeng, u Shivraj Singh Chouhan mynta ka sngi ula lum ïa ka jingïalang bad ki Myntri ka tnat ka rep ka riang jong ki jylla bapher bapher ha nongbah New Delhi, shi bynta ban pynlong ïa ka ‘Vikakal Abihi San Krishi’ ka ban sa wan.
U Chouhan ula kyrpad ïa ki myntri ka tnad rep jong ki jylla bapher bapher ban ïashim bynta shitrhem ha kane ka prokram ha ka ri baroh kawei ka ban sdang naduh ka 29 tarik u Jymmang haduh ka 12 tarik u Jylliew da ka jingthmu ban ai jingmyntoi ïa ki nongrep.
U Shri Shivraj Singh Chauhan u la ong ba ka ‘Developed Agriculture Resolution Campaign’ ka dei ka jingpyrshang kaba khraw ban kyntiew ïa ka jingmih ha ka rep ka riang hapoh ka ri, na ka bynta ban pynbun ïa ka jingpynmih ïa u khaw, ban pynthikna ïa ka jingbiang bam jong ka ri, ban pyndap ïa ki stock jong ki khaw, ki soh, ki jhur bad ban pynbiang ïa ki jingbam kiba tei met ïa ki nongshong shnong jong ka ri.
U la ong kane ka long shi bynta na ka jingthmu jong u Myntri Rangbahduh ka ri u Narendra Modi, da kaba thaw ïa ka ‘Developed Agriculture Resolution Campaign’ na ka bynta ka ri India ban pynkiew ïa ki nongrep bad ban ai jinghikai ïa ki da ki kynhun jong ki 2,170 ngut ki stad saian.
U Shivraj Singh Chouhan ula kyrpad ïa baroh ki jylla ban ïaid shakhmat da ka jingmut ‘Kawei ka Jaitbynriew, Kawei ka Rep, Kawei ka kynhun’ bad ban pynlong ïa kane ka jingthmu ba thymmai kaba jop bad ban kyntiew ïa ka jingmih shwa ban bet ïa u symbai ha kane ka aiom kharif.
Ha kane ka sngi kiwei de kiba ïadonlang ki kynthup ïa u Secretary ka tnad ka rep ka riang, u Devesh Chaturvedi, u Director General ka ICAR, u Dr. M.L. Kiwei Jat bad ki heh ophisar.
