Ka Myngken Higher Secondary School kaba la mihkhmat ia ka jylla sha ka lympung Subroto Cup jong ki khynnah kiba hapoh 17 snem ki la lah ban rung sha ka phainal jong kane ka lympung lyngba ka jingjop don burom da 7-0 kol pyrshah ia ka skul Arunachal Pradesh.
Ha katei ka jingïakhun semi phainal, u Baganson Nongphlang uba la ioh hat-trick ha ka jingïakhun quarter pyrshah ia ka Punjab ha ka taiew ba lah dep, u la ioh sa kawei pat ka hat-trick mynta ka sngi ha kaba la iarap ia ka kynhun ban pynliem da kaba suk ia ka Arunachal. Katba ia ki 4 kol la ioh ban thep da u Mebalamlynti (39 minit), Alicestar Thangkhew (44 & 51) bad ia ka kol ba khatduh la ioh ban thep da u Mebankhraw ha ka minit ba 65.
Ka Meghalaya kan sa iaknieh ia ka nam lahduh pyrshah ia ka skul Manipur kaba la pynliem ia ka Srilanka da 2-0 kol hynne ka sngi.