Ka Hynñiewtrep Integrated Territorial Organisation (HITO) Jowai Circle, lyngba ka RTI kala lap ba don haduh kumba 560 tylli ki kam (sanction post) kiba dei jong ka DSC bad MPSC hapoh West Jaintia Hills District halor kane ka seng kala leit ia kynduh ia u Deputy Commissioner ka West Jaiñtia Hills District halor ka RTI bala lap naki department bapher bapher hapoh West Jaiñtia.
Ka seng kala leit dawa ruh na u DC ban pyndap ia kine ki post ba thylli, khnang ban lait naka jingdkhoh treikam ha ki dapartment baroh hi. Katkum ka memorandum bala ai da ka seng kala dawa na u DC kumjuh na ka State Government ha kaba iadei bad DSC bad ka MPSC ban leh daka shai lane daka hok (fair mean).
Shuh shuh ka seng kala dawa ha kaba iadei bad ki exams MPSC lane ka DSC kidei ban shim (base) da ka merit ia kito ki candidate, ban pynbiang ia ki video camera haki kamra baki ialeh iaki exam bad kumjuh ruh ban ai daka key answer ha kato ka sngi ba kila dep thoh iaki exam jong ki. Naka liang ka seng kala banjur ruh ba hadien baki candidate kila dep iaka exam jong ki ka DSC lane ka MPSC ki dei ban pynkloi ban correct iaki paper jong ki, khnang ba ki candidate kin iohkloi iaki result jong ki khnang ban lait na ka jingktah haka rta wad kam jong ki.
Ka seng ka la leit ai copy ruh sha u Chief Minister, Local MLA 2 Jowai constituency bad sha u Chief Secretary ka jylla halor kane ka jinglap jong ka.