Ka ophis jong u Deputy Commissioner ha ryngkat ka jingiatreilang bad ka Saksham Foundation (NGO), State Resource Center bad ka Kyrmen Foundation kila pynlong ia ka prokam pynioh jingmyntoi ia briew kiba don ka jingduna ne ka Disability Indentification cum Assessment Camp ha Jaintia Easter College, East Jaintia Hills District.
Ka jingthmu jong kane ka prokram ka long ban wanrah sha baroh ki briew kiba don jingdonna dkhotment ne bor jingpyrkhat ba kin ioh ia ki jingmyntoi lyngba ka skhim ADIP jong ka Ministry of Social Justice ka sorkar India kaba dei khlem kano kano ka jingsiew. Kane ka jingiarap na ka Ministry ka lah ban kot shaduh ka T.12 lak tyngka.
Ia kane ka prokram la plie pyrda da u ma Kyrmen Shylla myntri ka tnad Social Welfare ka sorkar jylla, ha ka jingiadonlang u DC ka East Jaintia Hills u Abhilash Baranwal, IAS, u Mithun Roy dkhot ka Saksham, u Fourness Dhar President ka Kyrmen Foundation, u Dr. Phervision Nongtdu Principal Jaintia Eastern College, u S. Marwein EAC, kong R. Passah DSWO.
Ha kane ka sngi kila don haduh 222 ngut ki briew ba don jingduna ki la wan ban rejister ialade.
